Amit Bhattarai: हल्ला सुनेकै भरमा

February 07, 2012

हल्ला सुनेकै भरमा


Sabitra Uprety Itahara,Morang

हल्ला सुनेकै भरमा, नातानै तोडि गयौ ।।
नसोधी एकपल्ट मलाई, बाटोनै मोडि गयौ ।।
अनगिन्ती छन् समाजमा, प्रेम गर्नेहरुका दुस्मन
सत्य तथ्य कुरै नबुझि, बिचमै मलाई छोडिगयौ।।
नसोधी एकपल्ट मलाई, बाटोनै मोडि गयौ ।।
आँखा थियौ संसार देख्ने, अन्धकारनै बनाई गयौ
के पर्यो र त्यस्तो बाध्यता, पाराई घुम्टो ओढि गयौ ।।
नसोधी एकपल्ट मलाई, बाटोनै मोडि गयौ ।।

1 comment:

NepaliTalim said...: यो मेरो गजल हो मैले नेपाली गजलमा पोष्ट गरेको थिएँ यहाँ चोरी भएको पाएँ क्रृपया यस्तो काम तुरुन्त बन्द गर्नुहोला
My Gazal Source :
http://nepaligazal.com/gazal/nepali/5919201019.html; April 26, 2012 at 2:09 AM

घुम्ने मेचमाथि अन्धो मान्छे

दिनभरि

सुकेको बाँसझै

आफ्नो खोक्रोपनमाथि

उँघेर,

पछुताएर,

दिनभरि

रोगी मलेवाझै

आफ्नो छाती आफ्नो चुच्चोले ठुँगेर,

घाउहरु कोटयाएर;

दिनभरि

सल्लाघारीझै एकलासमा

अव्यक्त वेदनाले सुँक्क-सुँक्क रोएर;

दिनभरि

पाते च्याउझैं

धरती र आकाशको विशालतादेखि टाढा

एउटा सानो ठाउँमा आफ्नो खुट्टा गाडेर,

एउटा सानो छाताले आफुलाई ढाकेर

साँझमा

जब नेपाल खुम्चिएर काठमाडौं

काठमाडौं डल्लिएर नयाँ सडक

र नयाँ सडक - असङ्ख्य मानिसका पाउमुनि कुल्चिएर,

टुक्रिएर,

अखबार, चिया र पानको पसल बन्छ,

किसिम-किसिमका पोशाकमा

ओहोर-दोहोर गर्छन् थरीथरीका हल्लाहरु

फुल पारेको कुखुराझै कराउँदै

हिंड्छन् अखबारहरु

र ठाउँ-ठाउँमा अन्धाकार पेटीमा उक्लिन्छ

मोटरहरुको प्रकाशदेखि तर्सेर

अनि असंख्य मौरीको भुन्भुन् र डसाइदेखि आत्तिएर

म उठ्छु

न्यायको दिनमा प्रेतात्माहरु उठेझैं

र नपाएर बिस्मृतिको 'लेथे' नदी

रक्सीको गिलासमा हाम्फाल्छु

र बिर्सन्छु आफ्नो पूर्व कथालाई

पूर्वजुनी र मृत्युलाई

यसरी नै सधै

चियाको किटलीबाट एउटा सूर्य उदाउँछ,

सधै रक्सीको रित्तो गिलासमा एउटा सूर्य अस्ताउँछ

घुमिरहेकै छ म बसेको पृथ्वी - पूर्ववत्

फगत म अपरिचित छु

वरिपरिका परिवर्तनहरुदेखि,

दृश्यहरुदेखि,

रमाइलोदेखि,

प्रर्दशनीको घुम्ने मेचमाथि

करले बसेको अन्धो जस्तै ।

- भूपी शेरचन